Kandidatja demokrate për president, Hillary Clinton i kërkoi dje në mbrëmje FBI-së të publikojë faktet e plota dhe absolute të shqyrtimit të e-mail-eve gjatë periudhës kur ajo ishte në postin e sekretares së Shtetit.
“Dita e votimeve po vjen kështu që populli amerikan meriton të dijë menjëherë faktet e plota dhe absolute”, tha Clinton gjatë një konference të shkurtër për shtyp në Des Moines, Iowa.
Kandidatja demokrate për president, tha se ishte e bindur se çfarëdo që e-mail-et të përmbajnë nuk do të ndryshojnë konkluzionin e arritur në korrik, duke iu referuar rekomandimit të FBI-së për të mos ndjekur akuzat penale në këtë çështje.
“FBI po shqyrton e-mail-et e reja që mund të kenë lidhje me hetimin e informacioneve konfidenciale të Clintonit”, tha drejtori i FBI-së, James Comey para anëtarëve të Kongresit.
Publikimi vjen në më pak se dy javë para zhvillimit të zgjedhjeve presidenciale, ku Clinton garon kundër kandidatit republikan Donald Trump, i cili ka hedhur dyshime për besueshmërinë e Clintonit lidhur me skandalin e e-mail-eve.
“Jam dakord që FBI duhet të marrë masat e duhura hetimore që lejojnë hetuesit për të rishikuar këto e-maile dhe për të përcaktuar nëse ato përmbajnë informacion të klasifikuar si dhe për të vlerësuar rëndësinë e tyre për hetimin tonë”, thotë Comey.
Trump tha se “Departamenti i Drejtësisë dhe FBI janë të gatshme për të korrigjuar një dështim të rëndë të drejtësisë duke rihapur një hetim të e-mail-eve private të Clintonit”.
“Unë kam respekt të madh për faktin se Departamenti i Drejtësisë dhe FBI tani janë të gatshëm të kenë guximin për të korrigjuar gabimin e tmerrshëm që kanë bërë dhe ndoshta më në fund drejtësia do të bëhet”, tha ai në një miting në New Hampshire.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
