Ka dështuar edhe sot përpjekja për konstituimin e Kuvendit të Kosovës. Albulena Haxhiu e propozuar nga Lëvizja Vetëvendosje nuk mori votat e mjaftueshme as të dielën.
57 deputetë votuan pro kandidaturës së saj. 41 ishin kundër e 3 abstenuan.
Do të duhet edhe përpjekja e tetë për konstituim të legjislaturës së nëntë të Kuvendit të Kosovës.
(09:30) Sot përpjekja e shtatë për konstituimin e Kuvendit të Kosovës
Sot do të jetë përpjekja e shtatë për konstituimin e Kuvendit të Kosovës, pas një cikli dështimesh që prej 15 prillit.
Deputetët e zgjedhur nuk po arrijnë të konstituojnë legjislaturën e nëntë të dalë nga zgjedhjet e 9 shkurtit.
Kreu i PDK Memli Krasniqi ka deklaruar se dalje nga ngërçi mund të jetë propozimi i një kandidati tjetër për kryeparlamentar, në vend të Albulena haxhiut.
Deputeti i Lëvizjes Vetëvendosje, Faton Peci, ka thënë se çdo ditë e humbur për konstituimin e Kuvendit të Kosovës është “humbje kohe për Kosovën”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
