30 ditë të tjera burg janë caktuar për Ervis Martinaj për të qëndruar sërish të në qelitë e paraburgimit. Artan Gjermeni, gjyqtari i Tiranës, vendosi këtë masë sigurie pas kërkesës së Prokurorisë. E njëjta masë sigurie ishte caktuar edhe më herët ndaj Martinajt, i akuzuar për përfshirjen në përplasjen me armë në një lokal në zonën e Bllokut në Tiranë mbrëmjen e 4 tetorit.
Ndaj 34-vjeçarit Martinaj përpos këaj akuze, të tjera rëndojnë mbi të si ajo e pastrimit të parave. Për prokurorinë ka dyshime se Martinaj ka qëlluar me armë në vendin ku u vra, Fabion Gaxhaj dhe u plagos Eljon Hato dhe vetë ai. Nga ekspertimi i kryer më 6 tetor, organi i akuzës thotë se ka gjetur faktorë plotësues të qitjes me armë në duart e Ervis Martinajt, po ashtu rezulton që nga ekspertimi që i është bërë telefonit të Martinajt në Izrael janë zbardhur dhe bisedat e kryera prej tij natën e ngjarjes, ku u kërkon personave të rrethit të tij shoqëror të marrin armët e të shkojnë tek lokali i Redi Popeskut në zonën e Bllokut, pasi kishte një konflikt.
Prokuroria thotë se takimi i Ervis Martinajt me Matën nuk ka qenë rastësor. Sakaq hetimet ndaj Martinajt janë zgjeruar edhe për akuzën e pastrimit të parave. Sipas Prokurorisë, Ervis Martinaj nuk mund të justifikojë dot të ardhurat e tij me burimet e ligjshme që kishte ky shtetas. Për akuzën janë të paktën 85 mijë euro të pajustifikuara, ndërsa në fashikujt e Prokurorisë evidentohet fakti se Martinaj ka dhe një pasaportë kosovare me emrin Admir Koca. E për këtë ajo kërkon arrestin me burg, pasi ekziston mundësia e largimit të tij jashtë Shqipërisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
