Në qendrat e pritjes në Serbi, aktualisht gjenden 2 412 migrantë, sipas asaj që u njoftua sot në Beograd gjatë prezantimit të një projekti të quajtur "Le të festojmë diversitetin" që kryhet me mbështetjen e BE-së. Një numër ky në rënie, krahasuar me muajt e shkuar.
Shumica e refugjatëve synojnë të vazhdojnë udhëtimin drejt vendeve të Evropës Perëndimore. Vetëm një pakicë e vogël kërkon azil nga autoritetet e Beogradit.
Në kulmin e krizës së migracionit 2015-2016, në Serbi kaluan mbi një milion migrantë duke marshuar përgjatë të ashtuquajturës "rrugë ballkanike", me synim Gjermaninë, Austrinë, Suedinë dhe vende të tjera të BE-së. /Ansa/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
