Kryegjyqtari i Kukësit Isuf Shehu rrezikon të shkarkohet nga KPK-ja për shkak se nuk ka deklaruar të gjithë pasurinë e tij, duke fshehur një banesë të tij trekatëshe në Kukës.
Këtë pretendim e ka ILDKPI-a ndaj gjyqtarit në fjalë, i cili nga ana tjetër kërkon shkarkimin e trupës gjykuese që përbëhet nga: Suela Zhegu, Xhensila Pine, Brunilda Bekteshi.
Isuf Shehu kreu i gjykatës së Kukësit ishte gjyqtari i cili doli në seancën e parë të Vettingut për muajin nëntor, ndërsa kërkoi përjashtimin e trupit gjykues.
Ai po ashtu kërkoi çeljen e hetimit ndaj tij për anën profesionale dhe integritetin e figurës me argumentin se ishin bërë hetime të paplota.
Seanca ndaj tij u ndërpre deri sa KPK të shprehet nëse do pranojë apo jo kërkesën për gjykimin e Shehut me një tjetër trupë.
Shehu, i cili po kalon në proçesin e vetingut, njihet në media si personi që dhunoi në muajin mars, avokaten Aurora Guska, në hyrje të Gjykatës së Kukësit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
