Katër persona u vranë të hënën në mbrëmje në qytetin holandez të Dordreht në atë që policia e cilësoi një “dramë familjare”.
Sipas policisë vendase, një burrë 35-vjeçar dhe dy fëmijë, vajza të moshës 8 dhe 12 vjeç, kanë vdekur. Kurse një person i katërt, grua, është shtruar në spital në gjendje të rëndë.
Më vonë policia konfirmoi se 28- vjeçarja nënë e dy vajzave, ndërroi jetë gjithashtu.
Autoritetet dyshojnë se në këtë “dramë familjare", babai i vajzave njëkohësisht dhe oficer policie në Roterdam, mund të jetë personi që ka qëlluar.
Ndërkohë ka nisur një hetim për të përcaktuar rrethanat në të cilat ndodhi ngjarja. Kryetari i Bashkisë së Dordrehtit, Wouter Kolff, në një postim në mediat sociale shprehu ngushëllimet për të gjithë personat e përfshirë në këtë incident shumë të rëndë. / Euronews /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
