Kryeprokurori/ Selmani: Prokurorët kanë ende reflekse të kohës së vjetër

Shtatë kandidatët që kanë dorëzuar dokumentacionin për postin e Prokurorit të Përgjithshëm të Përkohshëm kanë nisur njëri pas tjetrit seancën dëgjimore në komisionin e ligjeve.

I treti në radhë ishte prokurori i Tiranës Artur Selmani që ka prezantuar kandidaturën dhe platformën e tij për garën për postin e Prokurorit të Përgjithshëm të përkohshëm. Para deputetëve të Komisionit të Ligjeve, Prokurori Selmani u ndal edhe tek reforma në drejtësi.

“Reforma në drejtësi do të ndryshojë mëndësinë e vjetër. Prokurorët kanë ende reflekse të kohës së vjetër. Kthimi i besimit të publikut tek prokuroria duhet të krijohet me zbatimin e reformës në drejtësi”, u shpreh prokurori Selmani.

Artur Selmani ka hetuar për disa muaj me radhë sherret në Kuvendin e Shqipërisë, fillimisht kallëzimin e PD-së për deputetin Amarildo Prenga, dhe më vonë deputetët Arben Ndoka dhe Pjerin Ndreu poe si më të sukssshme ai quajti çështjen e rrugës Durrës-Kukës.

"Çështje konkrete me sensibilitet publik që do të filsja për sukses mund të ketë qenë çështja e rrugës Durrës-Kukës. Në këtë çështje suksesi ishte i limituar pasi e kisha të vëshitë të bindja gjykatën që të ndryshonte vendimarrjet e saj për të mos e marrë çështjen në shqyrtim për shkak të disa afateve të kapërcyera nga Prokuroria. Gjykata e Lartë këtë e konsideroi shkelje që gati gati na rrezikoi edhe cështjen sepse e konsideroi të  mbylluar për shkak të kësaj", tha Selmani.

Ndërsa pyetjes se çfarë do të bëni ndryshe në Prokurorinë e Përgjithshme?

Prokurori Selmani u iu përgjigj duek theksuar se çdo drejtues ka një mënyrë të vetën sesi ai e koncepton drejtimin. "Unë kam konceptim tim që do të doja ta shfaqja në këtë rast. Si do ta bëja ndryshe për këtë do të më ndihmone mënyrë e konceptimit menaxherial dhe kjo do të më ndihmonte shumë", tha Selmani.