Një tërmet me epiqendër në Maqedoninë e Veriut tronditi dje disa vende të rajonit. Lëkundja e orës 3:54 të mëngjesit, me intensitet 5.1 ballë, u pasua nga lëkundje të tjera të tokës gjatë ditës.
Në mediat vendase qarkullon një shpjegim lidhur me shkakun e tërmeteve. Sipas Gjorgji Manaskov, i Odës Ekonomike për Energjetikë, tërmetet janë shkaktuar nga mbushja dhe zbrazja e liqeneve, presion që sipas tij i ka bërë pllakat tektonike të lëkunden.
“Arsyeja kryesore për tërmetet, mes të tjerash, është edhe mbushja dhe zbrazja e papritur e liqeneve. Njëra nga arsyet kur mbushen liqenet, vjen momenti kur për shkak të presionit, pllaka fillon të lëvizet gjatë një periudhe të caktuar dhe të shkaktojë lëvizje, respektivisht tërmete”, është shprehur Manaskov.
Nuk ka ende një reagim nga specialistët që konfirmon apo hedh poshtë këtë shpjegim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
