Kryedemokrati Sali Berisha ka mbërritur mesditën e sotme në burgun e Fierit, për të takuar Ervin Salianjin.
Lideri i demokratëve shoqërohet nga deputeti Flamur Noka. Vizita e Berishës vjen pasi Salianji vuan dënimin për kallëzim të rremë që prej 27 shtatorit.
Salianji nisi vuajtjen e dënimit në burgun e Fierit në fund të shtatorit pasi Gjykata e Apelit la në fuqi dënimin me 1 vit burg për veprën penale të “Kallëzimit të rremë” në lidhje me çështjen e njohur publikisht si dosja “Babale”.
Salianji u dënua më 18 dhjetor 2019 me 1 vit burg në shkallën e parë, pasi audio-përgjimi për dosjen “Babale” sipas gjykatës rezultoi se nuk ishte i vërtetë, por i stisur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
