Meksikë, gjenden tetë trupa të pajetë në anë të një rruge afër kufirit me Shtetet e Bashkuara

Tetë trupa të pajetë u gjetën të dielën në anë të një rruge në veri të Meksikës, afër kufirit me SHBA-në.

Prokuroria e Chihuahua-s hapi një hetim për zbardhjen e shkakut të vdekjes së këtyre personave, identiteti i të cilëve ende nuk është bërë i ditur.

Sipas mediave lokale janë gjetur 9 trupa të pajetë dhe pranë kufomave u gjet një mesazh që dyshohet se i atribuohet trafikut të drogës.

Trupat u gjetën të zhveshur dhe duart e tyre të lidhura me ngjitëse transparente. Sipas të njëjtit burim, të gjitha viktimat ishin të moshës 35-50 vjeç.