Është liruar nga qelia ish-kryebashkiaku i Himarës Jorgo Goro, pasi ka shlyer dënimin e parë për “shpërdorim detyre”.
Me vendimin e sotëm, urdhërohet lirimi i menjëhershëm i tij nga IEVP “Jordan Misja” në kryeqytet. Kujtojmë që GJKKO dënoi me dy vite burg ish-kryebashkiakun e Himarës, i cili për shkak të gjykimit të shkurtuar vuajti 1 vit e 4 muaj heqje lirie.
Po ashtu Goros iu hoq e drejta për të ushtruar funksione publike për një periudhë 5 vjet. Goro kreu veprime lidhur me procedurat e plotësimit të akteve të marrjes së tokës bujqësore në pronësi për familjet bujqësore, në dëm të disa shtetasve, banues në Bashkinë Himarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
