Komisioni i Pavarur i Vetingut ka shkarkuar nga detyra prokurorin e Prokurorisë së Rrethit Gjyqësor në Lezhë, Bardhok Lleshi.
Vendimi për shkarkimin e tij është dhënë mëngjesin e sotëm nga KPK.
Bardhok Lleshi përfundoi studimet në Shkollën e Magjistraturës në vitin 2005 dhe u emërua si prokuror në ish-Prokurorinë e Krimeve të Rënda. Në vitin 2009, ai u transferua në Prokurorinë e Lezhës ku vazhdon ta ushtrojë funksionin edhe aktualisht.
Kujtojmë që në vitin 2014, Lleshi u kallëzua penalisht nga Inspektoriati i Lartë i Deklarimit dhe Kontrollit të Pasurive dhe Konfliktit të Interesit për fshehje pasurie në vlera të mëdha dhe mosdeklarim të pasurive, por çështja u pushua nga prokuroria.
Procesi i vetingut për Lleshin u krye nga trupa gjyqësore e kryesuar nga Olsi Komici, me relatore Valbona Sanxhaktari dhe anëtare Xhensila Pine. Gjatë seancës, prokurori Bardhok Lleshi u paraqit me përfaqësues ligjor, avokatin Gedeon Dudushi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
