Endri dhe Emiljano Hysa, binjakët me tupana të cilët janë kthyer në kryefjalën e dasmave në Shqipëri të ftuar në emisionin “zgjohu me MCN” kanë rrëfyer për eksperiencën e tyre.
Ata shprehen se në ditët e sotme është kthyer në traditë që nuk ka më dasma pa tupana nga veriu në jug.
Vëllezërit tregojnë se ata kanë një program të tyrin ndërsa rrëfehen se shuma më e madhe që kanë marrë në një dasmë ka qenë rreth 5 mijë euro në 30 minuta.
Suksesi i parë është fakti se jemi binjakë dhe kombinimi ynë që luajmë tupanë. Kemi rreth 6-7 vite që punojmë që jemi pjesë e dasmave. Fillimisht kam studiuar 3 vite në Elbasan për klarinetë. Ka disa vite që është kthyer dhe tradita e tupanave. Tashmë nuk ka më dasma nga veriu në jug pa tupana.
Kemi një program tonin dhe më unik nga të tjerët na bën fakti që jemi binjakë. Veriu e ka traditë më shumë hedhjen e lekut, por edhe Shqipëria e mesme. Më shumë kemi marrë lekë në dasmë dibre, shuma më e madhe që kemi marrë ka qenë diku te 5 mijë euro për 30 minuta. Jemi pjesë e çdo eventi jo vetëm dasmave, edhe ditëlindjeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
