Një vrasje me armë zjarri ka ndodhur në Fier paraditen e sotme, ndërsa ende nuk dihen arsyet e kësaj ngjarje.
Sipas informacioneve paraprake nga vendi i ngjarjes, viktima dyshohet se është Shkëlzen Kastrati, i cili është qëlluar brenda në makinën e tij.
Policia ka shkuar në vendin e ngjarjes dhe ka nisur hetimet për ngjarjen e saj.
Ndërkohë, pak minuta pas vrasjes, një makinë është gjetur e djegur në Mbrostar. Policia ka shkuar në vendngjarje, ndërsa makina ka qenë e mbuluar nga flakën, dyshohet që ajo të jetë përdorur nga autorët e vrasjes së Shkëlzen Kastrati.
"Sot rreth orës 10:30, në vendin e quajtur "Ura e Sheqit", një shtetas i paidentifikuar, ka vrarë me armë zjarri shtetasin Sh. K., i cili ka qënë në automjetin tip "Benz".
Autori është larguar nga vendngjarja me një automjet tip "Range Rover", i cili u gjet nga shërbimet i djegur te vendi i quajtur "Mbikalimi i Baltzës".
Nga ana e Policisë janë ngritur pika kontrolli dhe vijon krehja e zonës për të bërë të mundur kapjen e autorit", njoftoi policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
