Prokuroria e Përgjithshme nis verifikimet për kryebashkiakun e Mallakastrës. Njësia e dekriminalizimit pranë Prokurorisë së Përgjithshme u ka nisur letër-porosi autoriteteve greke për kryebashkiakun Qerim Ismailaj, i denoncuar nga PD-ja pak ditë më parë.
Pas verifikimeve në shtetin fqinj pritet të bëhet krahasimi me shenjat e gishtërinjve që Ismailaj ka dhënë në policinë shkencore.
Nëse verifikohet denoncimi i PD-së, atëherë rasti i Imailajt i kalon Prokurorisë së Tiranës, me akuzën e falsifikimit të formularit të dekriminalizimit.
Një javë më parë, Partia Demokratike ka publikuar një dokument të ka marrë nga drejtësia greke, i cili tregon se kryebashkiaku i Mallakastrës Qerim Ismailaj, rezulton i dënuar me 3 vjet burgim nga gjykata e Kios, më datë 25 shkurt 2000. Sipas PD-së, Ismailaj është dënuar për plagosje dhe nuk e ka vuajtur dënimin për shkak të mosgjetjes në territorin grek.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
