Një kuti në formë breshke dhe një altar flijimi janë një ndër thesaret me 13,000 relike që datojnë mbi 3,000 vjet më parë, të zbuluara nga arkeologët në Kinën jugperëndimore.
Reliket, shumë prej ari dhe bronzi, u zbuluan në gjashtë gropa flijimi në sitin arkeologjik Sanxingdui, afër Chengdu, raportoi media shtetërore kineze të hënën.
Historianët dinë relativisht pak për kulturën Sanxingdui, e cila nuk la pas asnjë të dhënë të shkruar apo mbetje njerëzore, megjithëse shumë besojnë se ajo është pjesë e mbretërisë së lashtë të Shu.
Shpresohet se gjetjet e fundit do të hedhin dritë mbi mbretërinë, e cila sundoi në pellgun perëndimor të Sichuan përgjatë rrjedhës së sipërme të lumit Yangtze derisa u pushtua në 316 para Krishtit.
Një ekip i përbashkët arkeologësh nga Instituti i Kërkimeve të Relikteve Kulturore dhe Arkeologjisë Provinciale Sichuan, Universiteti i Pekinit, Universiteti Sichuan dhe institucione të tjera kërkimore kanë gërmuar gjashtë gropat në vend që nga viti 2020.
Në gërmimet më të fundit, arkeologët gjetën 3,155 relike relativisht të paprekura, duke përfshirë më shumë se 2,000 sende dhe statuja bronzi, njoftoi agjencia shtetërore e lajmeve kineze Xinhua.
Studiuesit përshkruan një kuti në formë breshke të bërë prej bronzi dhe lodh si një nga gjetjet e tyre më intriguese, duke thënë se ishte hera e parë që ata kishin zbuluar një artikull të tillë.
Një altar prej bronzi gati 0.9 metra i gjatë u gjet gjithashtu në një nga gropat, ku njerëzit e qytetërimit Shu mendohet se i kishin bërë oferta qiellit, tokës dhe paraardhësve të tyre.
Vendi arkeologjik prej 4,6 miljesh katrore ka nxjerrë mijëra artefakte të lashta që kur një fermer vendas e hasi atë në vitet 1920. Thesare të tilla si një maskë e artë që peshon rreth 100 gram (0.22 paund), relike fildishi dhe një thikë nefriti ishin ndër artefaktet e zbuluara vitin e kaluar.
Megjithëse nuk njihet ende si një sit i Trashëgimisë Botërore të UNESCO-s, Sanxingdui është në "listën tentative" të organizatës për t'u konsideruar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
