Shqipëria bëhet dhe Nisma Thurrje organizuan pasditen e kësaj të marteje një protestë para Kryeministrisë ku kërkojnë dorëheqjen e Edi Ramës.
Gazetarja Oliverda Allmuça në një lidhje me studion e lajmeve të MCN Tv tha se në këtë protestë e cila ka marrë shkas nga arrestimi i Erion Veliajt po marrin pjesë dhe qytetarë, të cilët nuk janë pjesë e dy partive politike.
Në fjalën e tij kreu i Shqipëria bëhet tha se GJKKO dhe SPAK duhet të përkrahen në luftën e tyre kundër korrupsionit.
Në fakt ky është një reagim i shpejtë për t’u vendosur përballë atij ligjit dhe për t’u rreshtuar krah Gjykatës së Posaçme dhe Prokurorisë së Posaçme, të cilët me kurajo të fortë po luftojnë bandat 34-vjeçare. Sigurisht që autokraci, në vende të marra peng, në vende ku administrate kërcënohet me vendin e punës, me bukën e gojës, ku detyrohen njerëzit në administratë të bëjnë nga 5 e nga 10 familjarë jashtë që të votojnë për partinë në pushtet, që partia në pushtet, kapet dhunshëm pas karriges së pushtetit.
“I ka rënë numri dy i gjithë pushtetit. Kryeministri Rama duhet të ishte dorëhequr.
Çfarë duhet të ndodhë që Rama të japë dorëheqjen? I ka rënë gjithë ekipi në burg i pranishëm në protestë”, tha një qytetar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
