Turkish Airlines (THY) ka mohuar kategorikisht lajmet që po qarkullojnë në media, sipas të cilave kompania ka vendosur të dhurojë një avion Shqipërisë.
Në një njoftim zyrtar kompania sqaron se lajmet e publikuara në disa media janë të pasakta. Sipas Turkish Airlines, avioni për të cilin bëhet fjalë nuk ka qenë asnjëherë pronë e kompanisë dhe është përdorur vetëm për nevoja operative.
“Avioni në fjalë nuk ka qenë kurrë pronë e kompanisë sonë dhe është përdorur vetëm për nevoja operacionale.”
Kompania thekson se vepron në përputhje të plotë me legjislacionin në fuqi të tregjeve financiare, duke garantuar transparencë ndaj investitorëve për çdo transaksion që lidhet me asetet materiale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
