Ambasada e SHBA-ve në Tiranë i është drejtuar me një thirrje prokurorëve shqiptare, që të ngrihen në lartësinë e detyrës dhe të kandidojnë për t’u bërë anëtarë të SPAK, strukturës së posaçme anti- korrupsion.
Përmes një statusi në rrjetin social, Ambasada shkruan se njerëzit me kurajo duhet të bëhen gati për të aplikuar në SPAK.
“Shqipëria po krijon një sistem të ri drejtësie, bazuar tek pavarësia, profesionalizmi dhe integriteti. Prokurorët të cilët mishërojnë këto ideale i përgjigjen një thirrjeje për shërbim publik që është më e lartë sesa thjesht një vend pune. Ne iu bëjmë thirrje këtyre njerëzve me kurajo që të bëhen pjesë e të ardhmes së Shqipërisë duke aplikuar për të qenë anëtarë të SPAK. Aplikoni këtu: https://bit.ly/2C6SSer#ReformaNëDrejtësi #DrejtesiaKaNevojëPërJu“, shkruan Ambasada e Amerikës në Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
