Zjarr në Çernobil, digjen mbi 2500 ha pyje

<p>Një zjarr i madh ka përfshirë ditën e djeshme zonën e ish-centralit bërthamor të Çernobilit në Ukrainë, ku zjarrfikësit po punojnë ende për të shuar flakët që tashmë kanë shkatërruar mbi 2600 hektarë pyll, raportojnë mediat ukrainase.</p> <p>Deri më tani, niveli i radioaktivitetit mbetet në vlera normale, raporton Ukrainska Pravda, duke cituar Ministrinë ukrainase të Mbrojtjes së Mjedisit dhe Burimeve Natyrore.</p> <p>Që nga mbrëmë, 900 hektarë bimësi ishin djegur në pyllin Korohod, 915 në pyllin Denysovychi, 250 në pyllin Paryshiv dhe 550 hektarë të tjerë në pyllin Lubianka.</p> <p>Vetëm zjarret në Lubianka dhe Korohod janë nën kontroll.</p> <p>Zona në pyllin e Paryshiv është pjesërisht e minuar dhe për këtë është thirrur skuadra e bombave të Forcave të Armatosura të Ukrainës, por prania e mjeteve shpërthyese në zonë vështirëson operacionet e zjarrfikësve.</p> <p>&nbsp;“Situata është nën kontroll dhe nuk ka asnjë kërcënim për infrastrukturën kritike, si për shembull Dega Qendrore e Karburantit të Shpenzuar, Kompleksi i Prodhimit të Vektorit ose Deponimi i Mbetjeve Radioaktive Buriakivka. Niveli i rrezatimit është normal”, siguroi Ministria e Mbrojtjes së Mjedisit dhe Burimeve Natyrore.</p>