Eksperti i ekonomisë, Dorian Teliti, thotë se vendit i duhet një monedhë e qëndrueshme vendase, më shumë sesa euroizimi i ekonomisë. Në tryezën e mbajtur sot nga opozita me temë “Rënia e euros, fituesit dhe humbësit”, Teliti tha se kjo mund të arrihet vetëm përmes qeverisjes së mirë, falë të cilës minimizohet ekonomia informale dhe i jep fund qarkullimit të parave të pista.
Ajo që duhet të sigurojmë ne është ajo që po diskutojmë. Të minimizojmë ekonominë informale, ekonominë e zezë, të eliminojmë transaksionet e trafiqeve të paligjshme. Kështu çdo monedhë do të hynte në binarët e qëndrueshmërisë. Mjafton të kemi kurs të qëndrueshëm, që lëviz vetëm në rast se ka zhvillim të ekonomisë, rritje të remitancave apo të kemi përmirësim të bilancit tregtar. Atëherë edhe kursi i këmbimit adaptohet me këto ndryshime. Por kjo që ka ndodhur në vitin e fundit me një rënie prej 14-15% të monedhës shqiptare ju ka dëmtuar në mënyrë të drejtpërdrejtë. Ne nuk kemi nevojë të bëjmë euroizimin, por të krijojmë kushte për qëndrueshmërinë e monedhës kombëtare. Nëse ne kemi vullnetin për të qeverisur mirë, qëndrueshmëria rritet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
