Elon Musk, pronari i X, ish-Twitter, do të takohet me Presidentin izraelit Isaac Herzog për të diskutuar ndjenjat anti-hebraike dhe mënyrat për t’i trajtuar ato në mediat sociale, konfirmoi zyra e Presidentit të Izraelit të dielën.
Gjatë takimit të hënën, atyre do t’u bashkohen izraelitë, anëtarët e familjeve të të cilëve janë marrë peng nga Hamasi gjatë sulmit vdekjeprurës të grupit militant ndaj Izraelit muajin e kaluar.
“Në takimin e tyre, Presidenti do të theksojë nevojën për të vepruar për të luftuar antisemitizmin në rritjet në internet”, tha zyra e Herzog , cituar nga Reuters.
Drejtori Ekzekutiv i Tesla-s do të takohet gjithashtu me Kryeministrin izraelit Benjamin Netanyahu dhe, sipas Channel 12 të Izraelit, mund të vizitojë vendbanimet izraelite përgjatë kufirit të Gazës, në atë që kritikët pretendojnë se është një përpjekje për të shpëtuar imazhin e tij publik.
Që nga blerja e Twitter dhe riemërtimi i tij si X vitin e kaluar, Musk është përballur me kritika nga media kryesore dhe grupe të ndryshme të të drejtave për gjoja tolerimin e mesazheve raciste. Shtytja e Musk për lirinë e fjalës në platformën e mediave sociale u shoqërua me një përpjekje për të eliminuar paragjykimet politike të Twitter.
Në fillim të këtij muaji, Musk u akuzua për promovimin personal të një termi antisemitik pasi tha se ishte dakord me një përdorues tjetër që sugjeroi se hebrenjtë po ushqejnë “urrejtje kundër të bardhëve”.
Pas skandalit, disa kompani të mëdha duke përfshirë IBM, Disney, Paramount dhe Apple tërhoqën reklamat e tyre nga platforma.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
