Fill pas burgosjes së deputetit Ervin Salianji, Partia Demokratike do të mbledhë sot Këshillin Kombëtar, për të miratuar nisjen e protestave në të gjithë vendin.
Mbledhja e Këshillit do të nisë në orën 18.00 dhe në këtë mbledhje pritet të miratohet data 6 tetor si datën e nisjes së protestave, protesta që sipas opozitës nuk do te ndalojnë deri në largimin e kryeministrit Edi Rama dhe ngritjen e një qeverie teknike që do të çojë vendin drejt zgjedhjeve parlamentare.
Prej javësh opozita kishte paralajmëruar se do të radikalizonte aksionin kundër kryeministrit Edi Rama, por arrestimi i Ervin Salianjit e përshpejtoi nisjen e protestave.
Aksioni i opozitës me protesta në rruge pritet të shoqërohet edhe me protesta në parlament, pasi deputetët kanë vendosur që të mos lejojnë zhvillimin normal të mbledhjeve të kuvendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
