Ish-drejtori i Përgjithshëm i Postës Shqiptare, Majlind Lazimi, ka kallëzuar në prokurori ministren e Ekonomisë, Milva Ekonomi. Kallëzimi ndaj Ekonomit vjen vetëm pak ditë pasi Lazimi u shkarkua nga detyra për pjesëmarrje në fushatë.
Lazimi e ka kallëzuar ministren Ekonomi për shpërdorimit të detyrës, pas shkarkimit të tij nga posti i drejtorit të përgjithshëm të Postës Shqiptare.
“Shkarkimi im është pa motivacion dhe pa argumentim”, tha Lazimi.
Ndërkohë Ministrja e Ekonomisë Milva Ekonomi në një reagim tha se është në zbatim të detyrave që i jep ligji.
“Kam të drejtën që më jep ligji për emërime dhe shkarkimi edhe për shoqëritë anonime. Jam në zbatim të detyrave që më jep ligji”, është shprehur ministrja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
