Një arsenal armësh është sekuestruar këtë të hënë nga Policia e Kosovës. Sipas mediave kosovare, janë sekuestruar automatikë të llojeve të ndryshme, granata dore e municione luftarake, ndërsa operacioni është kryer me urdhër të Prokurorisë Speciale.
Ky arsenal armësh është sekuestruar një ditë pasi u arrestuan pesë persona në Pejë dhe një në Prizren, për trafik të armëve dhe terrorizëm.
Prokuroria Speciale njofton për mediat se arrestimi i personave të dyshuar është kryer mbi dyshimin e bazuar për kryerjen e veprave penale kundër Rendit Kushtetues dhe Sigurisë së Kosovës ku dyshohen për veprat penale përgatitja e veprave terroriste ose veprave penale kundër rendit Kushtetues dhe sigurisë së Kosovës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
