Një aleat i ngushtë i Vladimir Putin ka lavdëruar presidentin ukrainas Volodymyr Zelensky duke e cilësuar atë si një ‘lider të fortë dhe të sigurt’, i cili nuk duhet ‘nënvlerësuar’.
Yevgeny Prigozhin, themeluesi i grupit famëkeq mercenar Wagner, tha gjithashtu se Zelensky ishte “një njeri i mirë” duke dalë komplet në kundërshtim me linjën e propaganduar nga Kremlinit.
Në një deklaratë të shpërndarë në mediat sociale, Prigozhin tha: “Megjithëse ai është president i një vendi armiqësor ndaj Rusisë për momentin, Zelensky është një njeri i fortë, i sigurt dhe i mirë”.
I pyetur se pse po lavdëronte një njeri që Moska e ka kritikuar, nënçmuar dhe sulmuar që kur erdhi në pushtet në vitin 2019, ai shtoi: “Për t’u bërë më i fortë, për të fituar, duhet ta trajtoni kundërshtarin me respekt. Mos e nënvlerësoni atë”, u shpreh aleati i Putinit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
