Bashkimi Evropian ka dënuar njoftimin e Donald Trump për një ndalim të afërt të udhëtimit nga 26 vende të Shengenit për koronavirusin, duke thënë se ai ishte imponuar "në mënyrë të njëanshme dhe pa konsultime".
Presidenti i Këshillit të BE, Charles Michel, dhe Presidentja e Komisionit Evropian, Ursula von der Leyen, thanë se pandemia është "një krizë globale, nuk është e kufizuar në asnjë kontinent dhe kërkon bashkëpunim më shumë sesa veprim të njëanshëm".
BE "nuk e miraton" njoftimin e Trump, thanë ata, duke këmbëngulur që BE "po ndërmerr një veprim të fortë për të kufizuar përhapjen e virusit".
Trump tha se udhëtimi nga vendet e Shengenit drejt SHBA-ve do të ishte i pamundur për 30 ditë duke filluar në mesnatën e së premtes.
Ai fajësoi Evropën që nuk veproi shpejt për të adresuar "virusin e huaj" dhe pretendoi se udhëtarët europianë e çuan virusin në SHBA.
"Ne bëmë një veprim shpëtimtar me veprime të hershme ndaj Kinës", tha Trump. "Tani ne duhet të ndërmarrim të njëjtin veprim me Evropën."
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
