Elisa Girotto ishte 40 vjeç dhe sapo kishte sjellë në jetë një vajzë të vogël, kur u diagnostikua me kancer. Nëna e re nga Treviso, Itali, para se të ndërronte jetë ka gjetur një mënyrë për t’u kujtuar gjithë jetën nga e bija.
Më 12 gusht, Elisa u martua me të dashurin e saj, Alessio, një dasmë që u organizua shpejt e shpejt, për shkak të kohës së pakët që sëmundja i kishte lënë.
Ajo kuptoi se vajza e saj, Ana, vetëm 1 vjeçe, nuk do ta mbante mend fare dhe vendosi t’i blinte dhuratat që do t’i kishte dhënë deri në moshën 19-vjeçare.
Ajo ka blerë dy dhurata për çdo vit: një për ditëlindje dhe një për Krishtlindje derisa vogëlusha e saj të arrijë moshën madhore.
“Si do t’ia bëj unë pa ty”, ka shkruar ajo për herë të fundit në rrjetet sociale, ku ka postuar foton e vet me vajzën.
Në “Facebook”, mesazhet që e mbështesin janë me mijëra.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
