Integrimi, Nano: Rama e ka prishur marrëdhënien me BE për shkak të qëndrimeve të fundit ndaj sistemit të drejtësisë

Analisti Mustafa Nano tha në studion e lajmeve të MCN Tv se kryeministri Rama e ka prishur marrëdhënien me BE-në për shkak të qëndrimeve të fundit që ai ka mbajtur ndaj sistemit të drejtësisë.

Deri para disa muajsh, Shqipëria ka qenë e veçuar si vend i reformave të rëndësishme, por edhe Rama konsiderohej si udhëheqës ballkanik i rëndësishëm dhe një nga partnerët më të rëndësishëm e BE. Vendi tjetër i rëndësishëm jashtë BE-së në Ballkan është Serbia, por Serbia ka një lider që reputacioni autokratik i të cilit është më i dukshëm se i Ramës. Kanë probleme me kosovën dhe lidhje me Rusinë. 

 

Edhe për këtë arsye Rama shihej si një partner i rëndësishëm për BE-në. 

 

Mendoj që Rama e ka prishur këtë marrëdhënie idilike nëpërmjet qëndrimeve të fundit që ka mbajtur ndaj sistemit të drejtësisë, me refuzimin që ka bërë dorëzimit të njerëzve të caktuar.