Tridhjetë e katër vjet pas vrasjes së ish-kryeministrit Olof Palme, prokurorët suedezë kanë më një fund një emër autori. Ata e identifikuan të dyshuarin si Stig Engstrom, i njohur edhe si "Njeriu Skandia", i cili vrau veten në vitin 2000. Identifikimi i tij mbyll përfundimisht hetimet për ngjarjen e ndodhur në vitin 1986.
Palme u qëllua nga pas, ndërsa po kthehej në shtëpi nga kinemaja me gruan e tij, Lisbet, në Stokholm.
Të njëjtën ditë që ndodhi ngjarja, ai kishte liruar nga detyra truprojat e tij. Atentati ndodhi në rrugën më të populluar të Suedisë dhe mbi dhjetë dëshmitarë raportuan se kishin parë një burrë që qëllonte me armë zjarri para se të ikte nga vendi i ngjarjes.
Mijëra njerëz janë marrë në pyetje për vrasjen. Një person u dënua fillimisht për vrasjen, por vendimi u rrëzua më vonë.
Stig Engstrom u bë i njohur si Skandia Man pasi ai kishte punuar për kompaninë e sigurimeve Skandia. Ai kishte punuar deri vonë mbrëmjen e vrasjes në selinë e firmës afër vendit të ngjarjes.
Engstrom, i cili ishte një nga 20 personat që dëshmuan atentatin, vrau veten në vitin 2000.
Ai u identifikua fillimisht si i dyshuar nga gazetari Thomas Pettersson, dhe policia filloi të kërkojë në Engstrom 18 vjet pas vdekjes së tij. Dyshohet se Engstrom e vrau kryeministrin Palme për shkak të pikëpamjeve të majta të tij. / BBC /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
