Ministri rus i Punëve të Jashtme, Sergey Lavrov, deklaroi në një intervistë për RIA Novosti se Perëndimi do të mashtrojë Serbinë përmes Asociacionin. Kryediplomati rus e krahasoi qasjen e Perëndimit në raport me Serbinë dhe Kosovën me marrëveshjen e Minskut për Ukrainën.
“E njëjta histori: mashtrimi i serbëve në lidhje me komunitetin e komunave serbe në Kosovë, mashtrimi i Rusisë në lidhje me marrëveshjet e Minskut”, ka thënë Lavrov në New Delhi, ku po mbahet një takim i G20-ës.
Sipas Lavrovit Perëndimi nuk do të zbatojë marrëveshjet që kanë të bëjnë me serbët në Kosovë, ashtu siç nuk ishin të gatshme të përmbushin kërkesat e Marrëveshjes së Minskut. Po ashtu ai solli në vëmendje se ata që firmosën Marrëveshjen e Minskut e pranuan se ato marrëveshje ishin për t'u përgatitur për luftë kundër Rusisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
