Mosbindja civile/ Bejko: Dështim i të bërit politikë, Berisha është i frustruar (VIDEO)

<p>Pedagogu Roland Bejko komentoi në studion e MCN TV protestën e mbajtur nga opozita në disa akse rrugore të vendit. Bejko tha se pavarësisht se në këtë protestë nuk mori pjesë e gjithë opozita, ajo pati karakteristikat e mosbindjes civile, njësoj siç u paralajmërua.</p> <blockquote> <p><em>Kjo bie erë protestë e tillë, pra në kuptimin e mosbindjes civile. Mirë është ta ruajnë këtë staturë, pra të edukojnë militantizmin. Aty nuk mund të them që është e gjithë opozita. Dihet qëndrimi që kanë segmente të caktuara në raport me zotin Berisha. Opozita qytetar u qëndron shumë larg këtyre. Por prapë kjo quhet protestë e formatit të mosbindjes civile. </em></p> </blockquote> <p>Bejko tha se policia tregoi profesionalizëm.</p> <blockquote> <p><em>Në momentin që ndërhyn policia, nuk bën asgjë tjetër veçse e kalon në çrregullim civil. Këta pretendojnë që policia është afruar. Zoti Vocaj, deri dje ka qenë vartës i zotit Noka, pra drejtues i lartë i Policisë së Shtetit. Policia duhet të qëndrojë larg dhe nesër të marrë masa sepse bllokimi i rrugëve është shkelje ligji. </em></p> </blockquote> <p>Sipas Bejkos, protesta të kësaj natyre janë i vetmi mekanizëm që i ka mbetur Berishës në dorë, pasi ka humbur peshën që ka pasur në elektorat.</p> <blockquote> <p><em>Rama po të dojë e jep qeverinë teknike. Ne kemi thënë që Berisha do të nxjerrë njerëz në rrugë sepse kjo i konventon Berishës dhe Ramës. Ata nuk duan që grupime të tjera të vogla të marrin zë në Parlament. Kjo nuk është asgjë tjetër veçse dështim i të bërit politikë. Nuk ia doli të vinte si ofertë e re. Duke dështuar në këtë pikë, e shpreh frustracionin kështu. Po të kishte fituar besimin e qytetarëve nuk kërkonte mosbindje civile por dialog me qytetarët dhe rekrutime të reja në parti. </em></p> </blockquote> <iframe width="560" height="315" src="https://www.youtube.com/embed/e6eiHR9mzKQ?si=U2lMsbPCl_kXUjb_" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>