Eksperti i mjedisit Rodion Gjoka foli sot në edicionin e lajmeve të MCN TV për ndotjen kritike të ajrit që shkaktohet nga emetimet e fabrikave të kromit në zonën e Elbasanit, por edhe për kompanitë e ndërtimit.
Siç u shpreh Gjoka inspektimet tregojnë se ka disa qytete ku cilësia e ajrit kompromenton jetën e qytetarëve, ndër më të ndoturat sipas tij janë Tirana dhe Elbasani.
Intervista:
1-Zoti Gjoka, fillimisht duhet t’ju pyesja cili duhet të jetë reagimi i institucioneve shtetërore kur vërejnë se kompanitë nuk zbatojnë detyrimin ligjor për instalimin e filtrave mjedisore?
Gjoka: Hapi i parë është paralajmërimi, i dyti është inspektimi në terren për të konstatuar nëse masat janë zbatuar dhe normat ruhen sipas kritereve. Nëse normat janë tejkaluar ka dy masa që merren, mbyllja dhe gjobitja.
2-Në dijeninë tuaj, cilat janë zonat më problematike në Shqipëri sa i përket ndotjes dhe çfarë e shkakton atë?
Gjoka: Ndotja ka dy karaktere kryesore, e para vjen nga transporti dhe ka një ndotje të shtuar dhe është e rrezikshme sepse është afër popullatës e dyta ka të bëjë me industritë e rënda dhe sektorin e ndërtimit që shkaktojnë ndotje të mëdha. Zonat më të ndotura, dua të them që bëjmë inspektime në 4 bashki kryesore. Kemi 10 -15 pika në cdo qytet ku cilësia e ajrit kompromenton jetën e qytetarëve.
3-A ka vend për abuzime?
Gjoka: Qytetarët janë ata që kanë barrën më të madhe. Ne kemi ligjin 162 që ngarkon autoritetn shtetëror dhe kompaninë përkatëse. Sot prej 6 vitesh institucionet nuk monitorojnë më dhe nuk kemi një statistikë të qartë dhe kompanitë emetojnë sipas nevojës. Ai ligj ka krijuar abuzimet.
Raportet e vetmonitorimit i sjellin raportet e pastra dhe bashkitë nuk kanë bërë inspektime duke pranuar vetëmonitorimin e kompanive.
Situata në Elbasan Tiranë dhe Shkodër kalon standartet. Institucionet nuk kryejnë matje dhe lënë vend për evazion të madh.
4-Çfarë politikash duhet të ndjekin autoritetet shtetërore për të ulur nivelin e ndotjes në këto zona?
Gjoka: Politikat janë të gjithëanshme. E para ka të bëjë me emetimin e dioksidit të karbonit, qytetet që kanë pësuar përmbytje po kërkojnë të heqin lëndën djegëse fosile. Ju e shihni vetë që të gjithë subjektet punojnë natën dhe natën clirohen ndotësit e mëdha. Ndotja është shumë sheqtësuese dhe qytetarët janë ata që e përballjojnë. Ne zbatojmë vetëm 20% të atyre që shkruhen në ligj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
