Shumica parlamentare shtyn për sesionin e ardhshëm kuvendor ndryshimet në ligjin për Autoritetin e Mediave Audiovizive, e njohur gjerësisht si paketa Antishpifje. Pavarësisht muajve të tërë që pati në dispozicion mazhoranca për ta kthyer ligjin në përputhje me rekomandimet që dha Komisioni i Venecias, ndryshimet në atë që përbëjnë një kushte për tryezën e parë ndërqeveritare nuk janë finalizuar.
Mirela Kumbaro, deputetja e PS-së e ngarkuar për rishikimin e ligjit tha në një lidhje “Skype” për MCN TV se konsulta me faktorin ndërkombëtar dhe angazhimi i deputetëve të Komisionit të Medias në kuadër të fushatës pamundësuan përmbylljen e procesit.
“Në asnjë rast nuk kemi hequr dorë nga angazhimi, mbetemi 100% të angazhuar për zbatimin. S’kemi asnjë vakum ligjor ligji për Mediat Audiovizive është ekzistues”, tha ndër të tjerash deputetja Kumbaro për MCN TV.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
