Tërmet i fortë në Taivan/ 3 viktima, 60 të zhdukur

Një tërmet goditi qytetin turistik Hualien në Tajvan. Lëkundja me magnitudë 6.4 ballë goditi qytetin bregdetar pak para mesnatës.

Për pasojë kanë humbur jetën 3 persona dhe janë plagosur 243 të tjerë. Katër ndërtesa janë shembur, ndërsa 60 persona rezultojnë të zhdukur.

Shumë prej tyre dyshohet se janë nën rrënoja. Tërmeti konsiderohet si më i forti në 40 vitet e fundit.

Pas goditjes së fortë, goditje të tjera më të dobëta kanë vijuar gjatë ditës.

Hualien është një qytet bregdetar me 100 mijë banorë. Për shkak të tërmetit, 40 mijë shtëpi mbetën pa ujë, ndërsa 1 900 pa energji.