Gjendet predhë në një çantë shpine, mbyllet aeroporti në Gjermani

Aeroporti i Mynihut në Gjermani është evakuuar pasi autoritetet zbuluan një predhë në një çantë shpine.

Pajisja shpërthyese u gjet gjatë një kontrolli sigurie ndërsa 28-vjeçari u përpoq të kapte një fluturim.

Zbulimi nxiti një bllokim të menjëhershëm të pjesëve të aeroportit para se specialistët të ishin në gjendje të hiqnin municionin dhe ta shkatërronin atë.

28-vjeçari i tha policisë se e kishte gjetur predhën gjatë një udhëtimi në Zvicër dhe kishte harruar se ishte në çantën e tij.

Ndërkohë që tashmë ka të ngjarë të përballet me akuza penale për shkeljen e ligjeve të sigurisë në aviacion dhe eksplozivëve dhe do të duhet të paguajë për koston e operacionit të policisë.

Është e paqartë nëse operatorët e aeroportit të Mynihut, i dyti më i madh i Gjermanisë, gjithashtu do të padisin personin për dëmet.

Ende nuk është e qartë se çfarë lloj municioni ishte, por autoritetet dyshojnë se i përket Luftës së Dytë Botërore.