Zbulohet kujt i përkisnin fosilet e ‘hardhucës detare’ të gjetura në Alpet zvicerane

Fosilet e zvarranikëve gjigantë detarë, të zhdukur janë gjetur brenda lartësive të mëdha të Alpeve Zvicerane. Fosilet i përkasin tre ichthyosaurëve dhe ata mund të kenë qenë disa nga kafshët më të mëdha që kanë jetuar ndonjëherë në Tokë, sipas një studimi të ri.

Krijesat e lashta mund të arrinin 80 ton dhe 20 metra në gjatësi, duke rivalizuar balenat moderne. Këto "hardhuca detare" u shfaqën për herë të parë në oqean rreth 250 milionë vjet më parë, duke u dukur paksa si delfinët me trup të zgjatur dhe kokë të vogël.

Ata u shfaqën pasi zhdukja masive e Permianit zhduku më shumë se 95% të specieve detare. Por 200 milionë vjet më parë, ichthyosaurët gjigantë ishin zhdukur dhe vetëm ata më të vegjël, më të ngjashëm me delfinët, jetuan deri 90 milionë vjet më parë. Studimi detajon zbulimin e botuar të enjten në Journal of Vertebrate Paleontology.

Edhe pse këto krijesa dikur sundonin detet, fosilet janë të rralla, gjë që ka krijuar një mister të madh për paleontologët. Por mbetjet e këtyre ichthyosaurëve kanë hedhur dritë të re mbi këto krijesa enigmatike, të zhdukura.

Fosilet i përkisnin tre ichthyosaurëve të ndryshëm. Njëra ishte rreth 65 këmbë (20 metra) e gjatë ndërsa tjetra ishte 49 këmbë (15 metra). Por gjetja më emocionuese e lidhur me këto fosile është dhëmbi më i madh i ichthyosaur-it i gjetur ndonjëherë.

Shkencëtarët e dinë se ichthyosaurët më të vegjël kishin dhëmbë, por shumica e atyre gjigantë ishin pa dhëmbë, dhe supozohej se ushqeheshin me cefalopodë, si kallamarët, përmes thithjes.

Ichthyosaurët gjigantë me dhëmbë ka të ngjarë të ishin të ngjashëm me balenat vrasëse sot, duke përdorur dhëmbët e tyre për të kapur prenë si kallamarët gjigantë.

"Është e vështirë të thuhet nëse dhëmbi është nga një ichthyosaur i madh me dhëmbë gjigantë apo nga një ichthyosaur gjigant me dhëmbë të përmasave mesatare," tha Sander.

Fosilet e Ichthyosaur janë gjetur në mbarë botën, por mbetjet e specieve gjigante janë përqendruar në Amerikën e Veriut. Gjetja e këtyre ekzemplarëve në Zvicrën moderne zgjeron gamën e tyre.