Sekretari i përgjithshëm i NATO-s, Jens Stoltenberg paralajmëroi sot kundër një ndërhyrjeje ushtarake në Korenë e Veriut që do të kishte pasoja shkatërruese, sipas një interviste në selinë e Aleancës në Bruksel.
“Përdorimi i forcës ushtarake do të kishte pasoja shkatërruese, mendoj se askush nuk e do këtë”, deklaroi Stoltenberg, i pyetur për retorikën luftarake të përdorur nga presidenti amerikan, Donald Trump për krizën koreano-veriore.
“SHBA-ja ka të drejtë të vetëmbrohet dhe të mbrojë aleatët e saj, por në të njëjtën kohë jam shumë i sigurt se askush nuk dëshiron një zgjidhje ushtarake”, shtoi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
