Është thjeshtë një detaj i vogël në rishikimin e ligjit për emigracionin, që Presidenti Joe Biden kërkon që të bëjë fillimisht. Por rëndësia simbolike ka mjaftueshëm peshë.
Projekt-ligji i propozuar i Biden, nëse miratohet, do të heqë fjalën "alien" (“i huaj”) nga ligjet amerikane të emigracionit, duke e zëvendësuar atë me termin “noncitizen” ("joshtetas").
Është një hap i vogël që synon ta njohë Amerikën si "një komb emigrantësh", sipas një përmbledhjeje të projekt-ligjit të publikuar nga administrata e re.
Termi “illegal alien” ("i huaj i paligjshëm"), i quajtur prej kohësh si një turp kundër njerëzimit nga avokatët e të drejtave të emigrantëve, nxiti debate gjatë 4-vjeçarit të fundit, pasi shumë zyrtarë të lartë federalë që inkurajuan përdorimin e tij, ndërsa shumë shtete kërkuan të merreshin masa për ta ndaluar përdorimin.
"Ndryshimi i gjuhës në ditën e parë të kësaj administrate, me Kamala Harris, vajza e emigrantëve, për mua nuk është thjesht simbolike ... është themelore. Mënyra si i përshkruajmë njerëzit ndikon në mënyrën se si i trajtojmë. Mënyra si flasim për emigrantët formon politikat. Formulon cilat janë çështjet në të vërtetë të diskutuara këtu. Krijon idenë që jemi duke folur për qenie njerëzore dhe familje", thotë Jose Antonio Vargas, një emigrant pa dokumente, pjesë e një organizate “Define American”.
Kalifornia ishte e para që ndaloi përdorimin e kësaj fjale në 2015-n, ndërsa Nju-Jorku vitin e kaluar.
Përkthyer nga CNN
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
