<p>Jani Marka, nga LËVIZJA BASHKË, thotë se në Shqipëri nuk ka lëvizje të mirëfillta sindikaliste. Në studion e MCN, Marka tha se vetë qeveria i ka shpërfillur lëvizjet sindikaliste dhe protestat.</p> <blockquote> <p><em>Sot sindikalizmi duhet parë në mënyrë të pakënaqshme, jemi larg asaj që duhej të ishim. Numri i grevave është shumë i vogël. Nuk kemi pasur lëvizje vibrante sindikaliste. Mjafton të shohim ditën e 1 majit. Nëse sindikatat do të ishin të fuqishme në sektorin publik... </em></p> <p><em>Ne kemi vite që i kemi mbështetur minatorët. Marrim shembullin e minierës së Bulqizës. Lajmi nuk pasqyrohet, shteti mban anën e Manes. Është një shembull që tregon qasjen e qeverisë. Zoti Rama i përçmon organizimet. Ai dëshiron të qeverisë me propagandë. Ka ardhur koha që pensionistët të votojnë në interesin e tyre ekonomik. Kjo qeveri premton rritje në 2023, kur atëherë shumë prej tyre nuk do të jenë më. është e thjeshtë: nuk ka para edhe për të vjedhur, edhe për të shpërndarë para për pensionistët. </em></p> </blockquote> <p>Marka solli si shembull rastin e vet.</p> <blockquote> <p><em>Kam 21 vjet pedagog. Më është rritur paga dy herë dhe kjo ka ardhur vetëm si pasojë e organizimit sindikal. </em></p> </blockquote> <p>Ai shtoi se në kushtet e shpopullimit, organizimi sindikal është bërë më i lehtë.</p> <blockquote> <p><em>Sot është më i lehtë organizimi sindikal. Sepse ka mungesë punonjësish dhe punëdhënësi nuk thotë dot “ik se gjej tjetrin”. </em></p> </blockquote> <p>Mungesa e sindikatave ka sjellë sipas tij edhe mungesën e reagimit për aksidentet me pasojë vdekjen në punë.</p> <blockquote> <p><em>Në nëntë muaj kanë vdekur 14 punëtorë ndërtimi. Pra, ky sektor ia ka kaluar minierave. Kemi në mes të Tiranës punëtorë që punojnë pa kushte fare. Nuk vlerësohet jeta. </em></p> </blockquote> <p> </p> <p> </p> <iframe width="1250" height="703" src="https://www.youtube.com/embed/28vWrCU7_gM" title="Roli i sindikatave në Shqipëri/ Marka, Kaptelli e Kalaja: Demokracia nuk kuptohet pa to" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
