Një aksident automobilistik pa pasoja në njerëz ka ndodhur disa minuta më parë në urën e Institutit Bujqësor në Kamëz.
Një makinë tip “BMW” ngjyrë gri është përplasur me autobusin e linjës së Paskuqanit.
“BMW-ja”ka pësuar dëmtime në pjesën e kofanos, pasi është përplasur “ballë për ballë” me autobusin. Një vajzë e moshës 25 vjeç drejtonte “BMW-në” dhe nuk mbeti e plagosur nga përplasja.
Sipas dëshmitarëve për JOQ.al shkak i aksidentit është bërë një parakalim i gabuar nga ana e të dy automjeteve. Kjo ka bërë që i gjithë qarkullimi në rrugë të bllokohet dhe të krijohet kaos në trafik. Katër autobusë të tjerë presin në radhë që të kalojnë ndërkohë që as policia as ambulanca nuk kanë mbërritur ende në vendngjarje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
