Adam dhe Jackie Sandler janë ende shumë të dashuruar pas dy dekadash martesë. Aktori i “Wedding Singer” festoi 20 vjetorin e martesës me bashkëshorten e tij me një foto të ëmbël të postuar në Instagram të mërkurën. "Unë pranoj" ishte dhurata më e bukur e jetës sime. Zemra ime ka qenë e jotja që në sekondën e parë që të pashë, e dua, e vlerësoj shpirtin tënd çdo ditë e më shumë. Ne. Fëmijët. Përgjithmonë”, shkruan Adam, krahas një fotoje në ditën e dasmës së tyre. Cifti u martua në qershor 2003 në një pronë në Malibu ndërsa ishin të rrethuar nga disa të ftuar, përfshirë Jennifer Aniston. Çifti ka dy vajza: Sadie, 17 dhe Sunny, 14. Megjithatë, historia e dashurisë së Jackie dhe Adam filloi vite më parë, kur ata u takuan në xhirimet e "Big Daddy" në 1999. Ndërsa aktori i “Waterboy” kishte rol kryesor në film, Jackie, luante një kameriere. Që atëherë, ajo është shfaqur në disa filma së bashku me bashkëshortin e saj, duke përfshirë "Just Go With It", "Murder Mystery" dhe "50 First Dates". Dyshja do të rikthehet në ekranin e madh së bashku me vajzat e tyre, për të luajtur në filmin e Netflix "You Are So Not Invited To My Bat Mitzvah!" Filmi pritet të dalë në Netflix gjatë këtij viti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
