Këshilli Organizativ për Shënimin e 10 vjetorit të Pavarësisë ka përzgjedhur një logo të re, pas shqetësimeve të shfaqura në publik, se logoja e parë ishte e kopjuar, pasi ngjante me një agjenci turistike në Gjermani.
Pas debatit që u bë për logon e parë, Presidenca e Kosovës e anuloi dhe u shpall një tjetër.
Por, siç duket edhe logoja e dytë e bërë për 10 vjetorin e Pavarësisë së Kosovës, është e ngjashme me logon e partisë, Bashkimi Demokratik për Integrim (BDI).
Në kongresin e BDI-së, në vitin 2015, ishte përdorur pikërisht logoja që tani Presidenca e Kosovës, ka përzgjedhur për 10 vjetorin e Pavarësisë.
Kjo logo ishte përzgjedhur si dizajn për Medaljen Presidenciale të Dhjetëvjetorit të Pavarësisë, por Këshilli Organizativ ka vendosur që ajo jetë edhe logoja zyrtare e tërë manifestimeve.
Por Zeni Ballazhi, autor i logos së dytë, ka thënë për "Telegrafin" se logoja dhe Medalja Presidenciale si shenjë festive, ngjyrat e logos vizualisht janë nga flamuri i Republikës së Kosovës.
Sipas tij, kjo logo është kompozuar figurativisht me shiritat festiv të cilët krijojnë numrin dhjetë bashkë me simbolin e shtetit, kombinim i numrit me simbolet e shtetit si një mesazh feste për shënimin e këtij viti jubilar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
