Izraeli beson se janë 173 persona që u kapën robër më 7 tetor, të cilët janë ende në Gaza, tha zyra e kryeministrit Benjamin Netanyahu të martën për CNN.
Nga të rrëmbyerit, 17 janë të huaj dhe pjesa tjetër janë shtetas izraelitë. Pengjet izraelitë përfshijnë gjashtë fëmijë nën moshën 18 vjeç.
Forumi i Pengjeve dhe Familjeve të Zhdukura beson se po mbahen edhe tre 18-vjeçarë, të cilët janë ligjërisht fëmijë, sipas përkufizimit të Kombeve të Bashkuara.
Zyrtarët izraelitë kanë njoftuar familjet, të afërmit e të cilëve janë në listën e pengjeve që do të lirohen të martën. Një zëdhënës i kryeministrit Netanyahu konfirmoi se ka 10 emra në listë.
“Izraeli mori një listë tjetër pengjesh, dhjetë pengje, që me gjasë, me shpresë, do ta shohim të liruar nga Hamasi”, tha zëdhënësi Tal Heinrich.
Heinrich tha se Izraeli kishte gjithashtu një listë të të burgosurve palestinezë që kishin rënë dakord t'i lironin në këmbim dhe se për çdo grup prej dhjetë pengjesh të liruar nga Hamasi, Izraeli do ta zgjaste armëpushimin edhe për një ditë shtesë.
Përpara ditës së pestë të armëpushimit Izrael-Hamas, Hamasi deri më tani ka liruar 69 pengje dhe Izraeli ka liruar 150 të burgosur palestinezë.
Nga të gjithë palestinezët e liruar deri më tani, 98 u arrestuan pa akuza, 119 ishin fëmijë sipas përkufizimit të OKB-së dhe 31 të tjerët ishin gra.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
