Komisioni Europian do të miratojë më 9 nëntor vendimin për hapjen e negociatave me Shqipërinë për anëtarësimin në Bashkimin Europian.
Burime zyrtare në Bruksel i kanë thënë “Balkanweb”-it se “Shqipëria pritet të marrë një rekomandim pozitiv për çeljen e negociatave, por me kusht: rezultate konkrete të zbatimit të reformës në drejtësi”.
Sipas këtyre burimeve, “ligji i vetingut i dërguar në Gjykatën Kushtetuese nga Partia Demokratike nuk do të jetë pengesë për dhënien e rekomandimit, pasi me reformën në drejtësi është plotësuar kushti kryesor për të dhënë rekomandimin pozitiv për Shqipërinë për hapjen e negociatave”.
Pas publikimit, pritet që raporti të votohet në Këshill në dhjetor. Vota e vendeve anëtare do të përcaktojë nëse Shqipëria do t’i hapë negociatat ose jo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
