Pas gati tre muajsh bllokimi të platformës TikTok në Shqipëri, që prej mëngjesit të sotëm ajo ka rifilluar të funksionojë normalisht pa pasur nevojë për përdorimin e VPN.
Përdorues të shumtë raportojnë se platforma është e aksesueshme si në rrjetet celulare, ashtu edhe në Wi-Fi.
Ndërkohë ende nuk ka një reagim zyrtar nga qeveria, për të sqaruar nëse bëhet fjalë për një gabim teknik, një pezullim të përkohshëm të filtrimit, apo ndoshta për një marrëveshje të re me platformën për ta lejuar funksionimin e saj me kushte të reja.
Kujtojmë se TikTok u bllokua në Shqipëri në mars 2025 me arsyetimin se platforma përbënte rrezik për të miturit dhe përhapte përmbajtje të dëmshme. Prej asaj kohe, përdoruesit kishin akses vetëm përmes VPN.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
