Të paktën dy persona mbetën të vrarë nga të shtënat me armë në një lokal nate në Oslo të Norvegjisë. Policia e kryeqytetit norvegjez, deklaroi se krahas viktimave ka edhe të plagosur, në gjendje të rëndë.
Të shtënat u shënuan brenda një vendi të frekuentuar nga homoseksualët, i tejmbushur me njerëz në këto ditë kur zhvillohet parada Oslo Pride.
Dukej si një skenë lufte, shumë njerëz të shtrirë në tokë me lëndime në kokë. Vrasësi ishte shumë i vendosur, veçanërisht ku të synonte.
Kur e kuptova se ishte serioze, ika. Ishte një burrë i gjakosur i shtrirë në tokë.
Kështu thotë një grua në dëshminë e saj. Ngjarja u shënua rreth orës 01:00 pas mesnatës së të premtes, në tre vende të ndryshme, në klubin e homoseksualëve në London Pub, në klubin e xhazit Herr Nilsen dhe në një pikë për ushqim.
Sipas bilancit të bërë nga policia nga të shtënat humbën jetën dy persona, ndërsa 14 të tjerë u plagosën.
Autorit të të shtënave iu sekuestruan dy armë zjarri, teksa u ndalua nga policia, e cila flet për autorësinë e vetëm një personi.
Marshimi i Krenarisë në Oslo i planifikuar për të shtunën pasdite nga komuniteti i homoseksualëve, është duke u shqyrtuar nga policia, lidhur me masat e sigurisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
