Greqia duket se ka mërzitur kreditorët e saj, duke detyruar këta të fundit që t’i pezullojnë dhënien e këstit të radhës për qeverinë e Alexi Cipras.
Shkak për këtë është bërë vendimi i qeverisë greke për të shpenzuar 617 milionë euro në dhënien e një ndihme për pensionistët për festat e fund vitit.
Mekanizmi i Stabilitetit në Evropë, institucioni që ndihmon qeveritë e eurozonës që kanë problem, thotë se nuk është pyetur për këtë shpërblim.
Me këtë vendim të qeverisë së Cipras, marrëveshja për dhënin e ndihmës financiare është pezulluar. Marrëveshja për uljen e borxhit u arrit më 5 dhjetor dhe ka si synim uljen e interesit të borxhit për Greqinë.
Qeveria e Cipras ka vendosur që t’u japë një bonus të gjithë pensionistëve që marrin më pak se 800 euro, por pa u konsultuar me përfaqësuesit e eurozonës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
