Mëngjesin e së enjtes, 60-vjeçari Bujar Çela, vëllai i të shumëkërkuarit Talo Cela, u ekzekutua me armë zjarri ndërsa ndodhej në një lokal duke pirë kafe në shoqërinë e një personi tjetër, pak sekonda para se në trupin e tij të zbrazeshin 20 plumba.
Pamjet e kapura nga kamerat e sigurisë së lokalit, kanë fokusuar edhe momentin kur Çela është i shtrirë në tokë, në pamundësi për t’i shpëtuar plumbave që e zunë në befasi.
Atentatorët kanë qenë të maskuar, ndërsa të shtënat nuk janë dëgjuar, pasi armët kanë qenë me silenciator, teksa trupi i pajetë i Bujar Çelës është pikasur nga qytetarët brenda në lokal. Ka qenë ekspertiza e kryer që ka konfirmuar se trupin e 60-vjeçarit në pjesë të ndryshme e kanë përshkuar mbi 20 plumba.
Pak pas ngjarjes së rëndë, autorët kanë braktisur e djegur totalisht makinën e përdorur në atentat, ndërsa është gjetur në fshatin Murras në aksin rrugor Elbasan-Peqin.
Bujar Çela ishte person pa precedent penalë, ndërsa punonte si taksist. Pista e parë e hetimeve nga ana e policisë është ajo e hakmarrjes, për shkak të aktivitetit kriminal të të vëllait, Talo Çela, i dyshuar si i përfshirë në grabitjen e Rinasit dhe në një sërë çështjesh të tjera penale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
