Presidenti francez, Emmanuel Macron, tha të mërkurën në samitin e NATO-s në Vilnius se Rusia është "politikisht dhe ushtarakisht e brishtë", ndërsa Ukraina ka mbështetjen e qëndrueshme të aleatëve të saj. “Rusia ka treguar shenjat e para të përçarjes”, tha Macron në një konferencë për shtyp pas samitit të NATO-s në Vilnius, Lituani, duke iu referuar rebelimit të dështuar së fundmi nga grupi mercenar Wagner. Më herët, Presidenti i Ukrainës Volodymyr Zelensky përshëndeti angazhimet e reja të sigurisë nga fuqitë e G7 të mërkurën, por paralajmëroi se këto nuk mund të zëvendësojnë anëtarësimin eventual në NATO. Duke folur pas bisedimeve me Sekretarin e Përgjithshëm të NATO-s, Jens Stoltenberg, Zelensky tha se premtimet e G7 duhet të shihen "jo në vend të NATO-s, por si garanci sigurie në rrugën tonë drejt integrimit". "Mund të themi se rezultatet e këtij samiti janë të mira, por nëse marrim ftesë, atëherë kjo do të ishte optimale," tha ai në samitin e NATO-s në Vilnius.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
